關於我們
ABOUT MONGCOW
芒牛是韓國S.A. Group旗下電商品牌，線上缐下雙向發展。2020年透過缐上韓國購物平台mongcow.com將自有品牌食品成功引進香港市場。2021年起在韓國開展缐下實體店【香港食堂】，設於韓國首爾弘大店。2025年起更開展韓國零售品牌業務，產品種類涵蓋護膚、日用、健康產品等多元品類。憑藉與韓國多家品牌及藥房的深度合作，我們堅持為消費者帶來真正有效且安全的產品體驗。
芒牛的宗旨為致力打造高質素、創新且多元化的韓國用品購物平台，迎合不斷變化的市場需求，力求成為客戶生活中不可或缺的韓國優質產品夥伴。2021年線上推出熱賣即食醬油蟹罐頭、米芝蓮蔘雞湯、爆汁腸仔包熱狗、膠原炸彈牛筋火鍋湯、健康薯仔排骨湯等人氣產品。通過線上宣傳-將美食成功引進到香港及台灣市場，推出不到一年，營業額已突破1200萬港幣。
《團隊介紹》
我哋喺一班食同貪靚, 淨係《識得扮靚同食》嘅90後同00後，主要來自香港、韓國、新馬、台灣等地，最鍾意就係瞓喺梳化上面食住嘢𢱑肚腩睇韓劇，堅持食好西要睇好內容嘅一班「靚女」。
《初心 》
開發高質素並適合香港人口味的韓國美食，並贊助有潛質的美食家創意開箱。 無論美食或者娛樂，「芒牛只支持好內容」。
品牌故事
出生於大嶼山嘅小芒牛，從小就因為外型似粒芒果，總係被其他小牛嘲笑，冇咩朋友周時都孤伶伶。直至芒牛媽媽識咗韓國嘅都敏俊之後，媽媽成日同芒牛講「即使你係個異類、有能力嘅話他朝一日一定有靚女欣賞你」。自此，芒牛就開始對韓國充滿幻想；考完DSE之後就嚟到韓國半工讀。喺食堂打工嘅某日，偶然地認識到加拿大嚟嘅CBC – 生得好似碌蔘嘅小雞 Gin Chi Chi （中譯：賤柒柒）；仲有生得似條腸仔包嘅小蜜蜂 Ddok -B。嗰一瞬間，大家一眼認出大家嘅與眾不同，就咁走在一起成為蜜友。
芒牛一行人畢業後都留咗喺韓國，立志成為專業Foodie。由於芒牛秉承香港人優良傳統（鍾意食）、每日就係食食食淨係 "識得食"；三個人決定一齊喺韓國創業，就咁就成立咗網上美食購物平台。由芒牛擔任行政總監、賤CHICHI 擔當公司部長、DDok-B 負責宣傳。芒牛下定決心，用自己頭像作為公司logo，表示所有產品都係賭上自己名譽嘅意志。
隨著市場需求及團隊願景的演進，芒牛逐步由專注美食的電商平台蛻變為多元化的韓國優質產品購物平台，從護膚、彩妝、美髮產品擴展到更多生活及健康用品。品牌LOGO「芒牛」象徵著勇於挑戰的精神與對品質的承諾，象徵我們始終以誠信與專業支持用戶的每一個生活細節。
未來，mongcow將繼續探索並引進更多優質韓國產品，旨在讓港澳消費者享受韓國生活美學的全方位體驗。
